7-X

Para algúns, os nacionalistas periféricos somos unha especie de integristas cuxo único fin é destruir a feliz paz na que vive o pobo español. Un pobo, din, que non ten problemas lingüísticos xa que ten un único idioma. Idioma, que según dín, é usado por millóns de persoas o longo do mundo, polo que é mellor as falas bárbaras que os nacionalistas se empeñan en falar.

Por moito que nos empeñemos en ridiculizar a posición dos imperialistas españois, nunca conseguiremos achegarmos a realidade. Os que opinan diferente deles son perseguidos e marxinados ao igual que os herexes no pasado. Tamén somos empregados para o mesmo fin, ser o chibo expiatorio que faga que a plebe se esqueza dos seus problemas.

Pero, aínda que atroz, esta inquisición do século XXI non é para nada orixinal. Emprega os mesmos métodos ca os dominicos: atemorizar, torturar e reprimir. Ditan leis dun día para outro, ao igual que ocorreu no pasado coa ilegalización da Orde do Temple. Tampouco mudou sequera a súa vestimenta, seguen a vestir de negro.

Os Inquisidores, son tamén os máis debotos da súa relixión. Pois, aínda que presumen de laicos, teñen un texto sagrado que ao igual que a biblia, foi elaborado polos vellos patriarcas e non pode ser cambiado. Pero se Xesús, no cristianismo, deu a súa vida pola supervivencia da relixión; esta nova relixión tamén tivo un pai fundador, cuxo corpo segue a ser venerado.

É unha pena que non teña máis tempo para criticar o sistema establecido no último día de campaña electoral. Pero son estudante e este ano, ambas eleccións coincidiron misteriosamente cos exames.

Pese a todo, prometo sacar o domingo tempo de onde sexa para ir a votar, e vou a dar o meu apoio a Iniciativa Internacionalista.

É hora de que algúns deses “radicais nacionalistas” consigan voz en Europa e de que se entere o mundo enteiro de que Franco e a súa piara non só non están mortos, senón que nunca gozaron de mellor saúde.

Mañá é o día das Letras Galegas

O galego que non fala
Na lingua da súa terra
Non sabe o que ten de seu
Nin é merecente dela.

("“Da vella roseira”", Victoriano Taibo)

Mañá 17 de maio celebraremos o Día das Letras Galegas manifestándonos en Compotela en defensa do noso idioma. Poque o galego é a nosa columna vertebral, o idioma que nos une. Vén cada nós, para expresarmos todas e todos xuntos que queremos vivir en galego.

Adherímonos así mesmo ao "Manifesto pola convivencia lingüística e a igualdade de dereitos para o galego", promovido por A Mesa pola Normalización Lingüística. (http://www.amesanl.org/campanhas/convivenciaeigualdade.htm)

I XORNADA ANTIFASCISTA EN LUGO

Contra a ameaza fascista de celebración dun concerto, nós respostámoslle do mellor xeito que sabemos facer: Organizándonos. É por iso que esta é unha ocasión na que debemos estar atentos e previdos, un momento idóneo para retomar a andaina antifascista na nosa cidade. A nosa cidade, na que vivimos, na que nacimos e na que uns cantos de nós morreremos.

É por iso que non debemos permitir que esta sexa escenario de eventos como o suposto Concerto Rac In Lugo que se pretende celebrar ás aforas da nosa cidade. Un acto que podería traer a Lugo, elementos indesexados que non teñen cabida dentro da realidade multicultural e social á que aspira esta cidade. Así que sexa quen sexa quen esté detrás dese evento, debe saber que prendeu a faísca do movemento de resposta social en Lugo.

Dito isto quedades todos emprazados para a I Xornada Antifascista que se celebrará no C.S Madia Leva, na Rúa Amor Meilán a partires das 17:30 e que culminará cunha concentración ás 20:30 na Praza do Campo onde se denunciará a impunidade da que gozan os elementos fascistas e servirá de resposta á posible execución do concerto anteriormente citado.

Debemos ser parte deste presente de luita para un futuro consecuente, agora é o tempo da unidade. Por iso lugueses e non lugueses ficades convidados sen excepción a esta xornada.

Non pasarán!
Nazis, nin nas rúas, nin na música nin en ningures!

(fonte: Lugo antifascista)

FESTA DA TERRA EN LUGO(o día 23)

Outro ano máis, os Cómités de Lugo(descendentes dos CAF, que a súa vez descendian da ERGA) oganizamos un festival de música para celebrar “ O DIA DA TERRA”. Un evento festivo-cultural que reúne a unha gran cantidade de rapaces con ganas de pasalo ben ao ritmo de música en vivo. Os prezos son moi populares(3€ o litro de kalimocho, 3,5 o de cervexa). E os grupos do mellorciño da Galiza. Esta serie de concertos tratan de ser por unha lado unha actividade festiva, pero o seu papel cultural é clave; xa que debido a ideoloxía dos grupos e dos organizadores desenrola un importante labor de concienzación social.

ARENGA
http://www.myspace.com/arenga

ALTERAZION DEL ORDEN
http://www.myspace.com/alteraziondelorden

LEITE DE NAI
www.leitedenai.es.kz/

MATXETAZO NA PARROTXA
http://www.myspace.com/matxetazonaparrotxa

KAÑA D´HERBAS

ESTADES TOD@S INVITAD@S!!!

Asasinado no G-20

Cada vez é máis difícil informarse de certos asuntos mediante a prensa burguesa, e esta é o único medio de comunicación que emprega a maioría da xente. Así, son moitas as noticias que se nos escapan por non consideralas importantes, tal vez non exista unha censura estatal, pero si hai un masivo uso da autocensura por parte dos grandes medios.

O pasado 1 de Abril, un home morreu en Londres durante as protestas do G-20. Según os médicos, foi debido a un infarto. Hoxe, pasado xa algún tempo e acalado o asunto, saen a luz unhas imaxes nas cales vemos a policía agredindo ao quiosqueiro morto(pois o señor non era un militante antiglobalización).

Moitos pensaran que o infarto foi por causas naturais, pero, tamén cabe pensar outra hipótese. Foi o infarto, unha consecuencia da angustia sufrida polas agresións policiais??? De ser así, tales agresións foron as responsables da morte, e o seu executor un asasino.

Que esperaban??

Que esperaban??

Ser dunha nacionalizade, soamente significa pertencer a un pobo; non ser bo ou malo, xusto ou corrupto. Nestas eleccións, o único partido galego con representación parlamentaria(aburguesado e amigo do capital) perdeu un escano, o que ocasionou a subida ao poder da dereita colonialista.

O BNG perdeu apoio social debido a súa política burguesa dos catro últimos anos. Concurso eólico, oposición a mediada, caciquismo e unha política liberal son motivos suficientes para que moitos votantes de esquerda nacionalista decidirán non votar, votar nulo ou en branco ou a partidos minoritarios.

Esta é a única lectura posíbel dos resultados electorais. Xa o viviran en carne propia en Ferrol, pero non quixeron darse conta. O BNG-gas quedou só.

Faime graza ver como de repente, antes xa de que tome posesión o Chulapo de Feijoo, os altos cargos corruptos do BNG desempoen as bandeiras coa estrela vermella(que tiñan no faiado) para voltar ao sindicalismo combativo. Agora??? Agora??? Por que agora e non tomen durante este últimos catro anos???

Por que vos malvendestes ao capital? Traizoando a un pobo, pactando co inimigo. Deixando no poder a centos de libres designación no PP que como zapadores rebentaban o sistema dende dentro.

Sinto, non me deixarei enganar pola dialéctica maxistral da UPG, nin confiarei de novo nun Quintana que retorne aos ideais socialistas dos que nunca debeu renunciar. As estrelas deben ser vermellas hoxe e sempre, e non só cando un non goberne.


Goberne quen goberne, Galiza non se vende.

O IMPUNE AVANCE DE UPyD.

Hoxe puidemos ver en Trasancos como militantes de UPyD repartían a súa publicidade electoral. Algúns consideramos que UPyD é un partido neofascista, ei vos van algúns porqués.



1º SEMELLANSE IDEOLOXIACAMENTE A FALANGE

Analizando afondo a súa ideoloxía e os seus principios, atopámonos con que teñen as seguintes afirmacións:

- Postúlanse como un partido “revolucionario”. Emprazandose no limbo apartidário “nen na esquerda nen na dereita, nen no centro”.

[....Partimos de un supuesto revolucionario: que los ciudadanos no nacen siendo ya de izquierdas o de de derechas ni con el carnet de ningún partido en los pañales. Vamos aún más lejos,a riesgo de escandalizar a los timoratos: consideramos a los ciudadanos capaces de pensar por sí mismos y de elegir en consecuencia, de acuerdo con las ofertas de los partidos y su experiencia de la situación histórica que vivimos. Por tanto no creemos que nadie esté obligado a votar siempre lo mismo o a resignarse a las opciones políticas vigentes, cuando ya le han decepcionado anteriormente…] Cita textual








- Fan unha continua crítica dos “separatistas” e das posturas “anti-español”.

[.... Nos oponemos a políticas reaccionarias como el aumento de la desigualdad territorial, la discriminación por razones lingüísticas o identitarias, y el abandono de la cohesión nacional para satisfacer al nacionalismo y sus imitaciones regionalistas…]
Cita textual

- Esprito de misión transcendental (de novo atopamos o espíritu de “cruzados” de falange)

[….Somos un nuevo partido, nacido para representar a los ciudadanos españoles que desean impulsar un profundo cambio político mediante la Reforma de la Constitución…]
Cita textual


- Defensa ultra da lingua española e dos “símbolos constitucionais”.

[….la bienintencionada descentralización autonómica se ha convertido en licencia para fabricar algo así como virtuales miniestados regidos por burocracias arrogantes, quisquillosas…e inamovibles.

Esta peligrosa deriva se muestra especialmente dañina en lo tocante al uso y aprendizaje de la lengua española. Un Estado de Derecho necesita una lengua común, cuyo empleo no sólo es elección personal sino ante todo instrumento político…]
Cita textual


- Aprópianse dos ideais clásicos do discurso de esquerdas(revolución, liberdade, igualdade).

[…La base de la ciudadanía democrática es la igualdad en libertad: iguales leyes para todos y todos iguales ante las leyes. Este objetivo exige, como es lógico, la cohesión institucional y simbólica del Estado encargado de definir y garantizar los derechos concretos de los ciudadanos. Pues bien, creemos que esa igualdad está hoy amenazada en España…]


- Radicalismo na linguaxe, prepotencia, ameazas.

[...El grupo independentista gallego AMI difunde en los colegios gallegos un vídeo que invita a usar el terrorismo contra los partidarios del bilingüismo..]


[...La vertiginosa escalada de los precios de los alimentos y la consiguiente crisis alimentaria, fue una noticia con la que nos desayunamos (los que todavía tenemos la suerte de poder desayunar, claro) durante una buena parte del año 2008, hasta que desde septiembre pasado quedó eclipsada por la crisis económica y financiera, por el inicio del ascenso a los altares de San Barack Obama el milagrero y por el timo de la estampita a gran escala de un tal Madoff, que es un señor que supongo que debe traer de cabeza al Sr. Botín y a su yerno, pero que al resto de los mortales, francamente, como diría Rosa Díez, nos la refanfinfla…]



Todos estes púntos son comúns a falanxe e todos eles son contrastables. Todas as citas usadas son da súa web e non están manipuladas.



2º OS SEUS SIMPATIZANTES ACEPTAN TEXTOS DA FALANGE COMO VÁLIDOS

Isto foi a conclusión a que se chegou tras repartir centos de panfletos con fragmentos dos 27 Principios da Falange e co logo de UPyD.

3º RECIVEN O APOIO DE GRUPOS FASCISTAS.


Por Parte de Falange Auténtica


Na súa páxina web, Falange Auténtica desvela que cando os problemas de Rosa Díez no PSOE entraron nunha vía de difícil solución, ofrecéronlle as listas de Falange Auténtica como soporte para o seu quefacer político.

Ynestrillas

Xa deixou constancia escrita da súa admiración pola súa “camarada” no seu blog


“La que sí que ha demostrado un tirón de órdago es Rosa Díez, que con medio año de partido ha logrado entrar al Parlamento. Mi enhorabuena para alguien que parece honesta y patriota -constitucionalista, mejor-, si bien encarna un sistema y una Constitución de los que disiento desde sus mismos cimientos”


Unificación Comunista de España

Tratase dun partido Maoísta e profranquista que chegou a llamarlle “Nazis” aos membros do PNV. Rosa Díez, participou nunhas xornadas deste grupo autoritario na cidade de Valencia

http://www.elplural.com/politica/detail.php?id=19800
http://www.kaosenlared.net/noticia/rosa-diez-deja-ver-nuevo-estalinista-unificacion-comunista-espana

3º ATENTAN CONTRA O GALEGO.

Son os autores do “Manfiesto por la Lengua Común” e participan activamente xunto con Galicia Bilingüe.

Por certo, a súa propaganda electoral está integramente en castelán... casualidade?? Non, éste é o seu concepto de vilingüismo(o ingles para as cousas importantes, o castelán para falar coa xente e ... o galego para as vacas).


-----------------------------------------------------------------------------------------------

Conclusión final:


Coido que rezonei ben este post e puxen suficientes argumentos polos que manter a miña afirmación. Son un Bardo e gostame o Vinho, pero tamén contar a verdade e defender a miña fala.

E se lle molesto co meu canto, a alguén que non queira oir; asegurollés que un facha ou un inimigo deste país.


PD: Négome a escribir en Galego, textos que non o merecen.

VENEZUELA EXPULSA AO EMBAIXADOR ISRAELÍ

Israel é para moitos un estado democrático que esta a defenderse contra os terroristas, a maioría dos que afirman isto pensa Venezuela é en cambio un ditador.

Pero, “este estado ditatorial” acaba de darnos unha lección de valentía e xustiza. En resposta aos crimes que se están a cometer en Gaza(ataques a ambulancias, a escolas da ONU, a hospitais...) expulsou ao embaixador sionista.

O seu presidente electo, non calou(como fixo Obama), ou dixo vagueades como Zapatero: dixo todo o que el pensaba sobre o asunto, sen ter medo das consecuencias.

QUEN DEIXA MATAR É TAN CULPABLE COMO O QUE MATA

Hai veces que, para facer o correcto é indispensábel tomar parte nun asunto que en principio nos é lonxano.

CONCENTRACIÓN EN SOLIDARIEDADE CON PALESTINA

LUGAR:

En frente do edifício da Junta da Galiza na Porta Nova de Ferrol, às 20h30.

CONVOCA:

ADEGA, Asociación Fervesteiro, Asociación Fuco Buxán, Associaçom Ártabra21, Asociación Veciñal Fontelonga, BRIGA, CIG, Esquerda Unida, Fundaçom Artábria, NÓS-Unidade Popular, Siareir@s Galeg@s e Verdegaia.

O POBO PALESTINO DESÁNGRASE

Din que o home é o único animal que tropeza dúas veces na mesma pedra. A verdade é que é odioso buscar exemplos, pero estes inundan a nosa vida cotiá. Tamén din que o Nadal é unha época de paz(pero isto último non é certo).

Mentres o mundo occidental celebra as grandes festas da relixión maioritaria no (as do consumismo), ninguén lle fai caso as noticias dese pobo que morre de fame e chumbo.

Tanques, helicópteros e cazabombardeos fan o mesmo que fixo nos seus tempos Herodes: matar aos meniños inocentes. Así, dous mil anos despois, un exército “democrático” ofrécenos a reedición do Día dos Santos Inocentes.

Ao igual que no holocausto nazi, no que moitos non decidiron tomar parte ata que foi demasiado tarde, é o momento de posicionarse neste grave conflito. Estamos a ver a exterminación de todo un pobo, pobo que ao igual que o noso sufre as cadeas dun invasor imperialista. Coa escusa da loita contra un grupo integrista islámicos, os integristas xudeus están privando a poboación civil de alimentos, menciñas, e combustible. Estamos vendo como se deixa morrer a un pobo enteiro de fame, e o que é peor: Seguimos sen facer nada.

Algunhas asociacións(sobre todo do entorno da esquerda comprometida), están a organizar marchar e manifestacións por todo o mundo pedindo que remate esta barbarie, namentres os grandes partidos e os presidentes máis influíntes seguen sen posicionarse, sen tratar de impedir o que ocorre.

…………………………………………………………………………………………………………………………………………..

Manifesto dos Comités Populares de Palestina.

A todas as persoas libres do mundo... a todas as que piden liberdade e xustiza.

A toda que teña unha conciencia viva... a toda que ame a paz.

Os corazóns dos nenos en palestina chámanche. Os gritos das nais desconsoladas chaman polas vosas conciencias.

Preguntámonos como durme o mundo mentres os nenos palestinos son cortados en anacos. Descúlpennos, os nosos ollos están cheos de bágoas e os nosos corazóns entristecidos polas accións criminais da ocupación israelí que van alén do que podiamos imaxinar.

Tamén é duro ver o apoio dos gobernos do mundo para tremendos crimes, que están dando permiso a Israel para cometer máis e máis crimes.

Chamámosvos ao seguinte:

1.- A continuar coas manifestacións diante das embaixadas de israel e os vosos parlamentos.

2.- A un boicote serio a Israel a todos os niveis.

3.- A loitar para poñer aos criminais de guerra israelís diante dos tribunais.

4.- Chamamos á organización de accións de loita diarias a todos os comités populares de Palestina.

5.- Chamamos aos israelís que rexeitan a ocupación a continuar mobilizándose.

Xuntas podemos parar o derramamento de sangue... xuntas podemos traer a paz e a xustiza.

Comités Populares de Palestina.http://www.bilin-ffj.org/

TELECINCO PILLADO

A cadena Telecinco, xa protagonizou dibersos incidentes: a súa postura en contra do uso da lingua galega, a sua apoloxía da telebasura e o finanzamento de criminais(caso da famosa entrevista de Julian Muñoz).


Recentemente, compañeiros descubriron a un grupo de cámara oculta cando esta intentando material para criminalizar aos antisistema. Dous reporteiros, colaronse en reunións, e "siguen" aos mozos para os entrevistar sobre temas delicados sen saber que os estaban a grabar.

REFORMA NO ACESO A UNIVERSIDADE

Hai dous días saiu no Real Decreto 1892/2008 as " Condicións de acceso ó ensino universitario de grao e os procedementos de admisión nas universidades públicas españolas ". Hoxe xa podedes leer un resumo neste blog.

Esta nova lei non é máis que outra puñalada no moribundo corpo da universidade pública, xa que fomenta que sexa unha élite urbana a que acceda a universidade. Tamén é unha pala de cal na tumba do galego, que algúns queren enterrar aínda que sigua vivo e con folgos de sobra para mil primaveras máis.

Son dúas as organizacións que están a protestar ultimamente polos dereitos dos preuniversitarios en Galiza, por un lado temos ao SE e p0lo outro aos Comités. Esta última organización ten convocada unha folga no ensino medio para mañá(perdón por non favorecer máis a súa convocatoria, pero é que ando bastante liado). A folga tamén está convocada por GALIZA NOVA e as mocidades da MESA. Sinceramente coido que esta moi mal organizada(xa que non hai convocadas manifestacións) pero é mañá e xa está todo feito, tan só esperar que acudan cantos máis mellor.

Decreto Aceso Universidade

View SlideShare presentation or Upload your own. (tags: galiza politica)

MASIVA ASISTENCIA A FOLGA EN LUGO

Lugo non ten a fama doutros campus como Santiago ou Vigo en canto a combatividade do seu estudantado. Ou polo menos, non a tiña ate o de agora.



Dende primeira hora os piquetes recorreron as facultades animando a saír os poucos alumnos que quedaban e salvo algún que outro esquirol o seguimento foi masivo. O piquete inicial dos comités, duns quince militantes, tornouse nunha marea humana que ia recollendo os estudantes con ganas de loitar. Así e tras un éxito rotundo as clases pecharon e os estudantes foron a manifestación convocada polos comités.



Así as manifestación, que partiu as 12.20 da Intercentros, secundada por AGIR, agrupación estudantil da que viñeron varios militantes. Os mais de cen estudantes comezaron a berrar consignas en defensa dunha educación pública e de calidade polas rúas luguesas cortando o tráfico en lugares tan transitados como Maitins ou a Ronda da Muralla.



Finalmente a manifestación remato fronte ao edificio da Subdelegación do Goberno. A xeito simbólico, varios militantes dos Comités e Agir encadeáronse a porta sen cometer en ningún momento ningunha acción violenta. Sentados e quietos, co apoio de decenas de compañeiros, leron un breve manifesto.



A brutal reacción policial non se fixo esperar, pouco a pouco foron chegando máis e efectivos da policía nacional, a maioría dos cales vestía de paisano cun chaleco policial(o ou nen iso). Sen mediar palabra comezaron a golpear os mozos máis achegados a porta, os rapaces encadeados foron os que máis sufriron o feroz e desmesurado ataque, pero tamén recibiron golpes os compañeiros que trataban de axudalos así como un señor que vendo a carga quixo filmar o desenfreo policial.



Unha vez remata a mostra de forza e comezando a xente a marchar,os policías comezaron a identificar os manifestantes(sobre todo aos homes). Apresaron, amiazaron e tomaron os datos de aqueles que cometeron o delito de recibir un golpe estando sentados ou dos que gravaron a carga para posteriormente denunciala. Pese a que a maioría dos militantes eran dos Comités, o único detido foi un membro de AGIR. Este rapaz, de 16 anos, estaba agarrando a pancarta cando foi golpeado, posteriormente cando xa a xente ía marchando foi reducido e detido por nin mais nin menos que tres policías(iso que non pesaba máis de 60 kilos).

Folga en todo o país o 19 de Novenbro

Os Comités vimos de convocar para o próximo 19 de novembro unha Folga estudantil nos 7 campus galegos para reclamar un novo plano de financiamento para as universidades galegas que as defenda fronte Boloña e que nos garantice a todas e todos unha universidade verdadeiramente pública e ao servizo da sociedade galega.

+ diñeiro público

A día de hoxe, a porcentaxe de investimento da Consellaría de Educación na educación universitaria é o 0,75% do P.I.B de Galiza; mais agora temos que crer que vai chegar ao 1,5 en 2015, cando nun primeiro momento o obxectivo da Consellaría era chegar ao 1% en 2010.
Porén, os Comités entendemos que o investimento público no ensino universitario non debe ser inferior ao 1,5% do P.I.B galego no ano 2010.

- taxas

Na actualidade, a porcentaxe de participación do estudantado a través das taxas no financiamento universitario supón: na UdC o 13,81%, na USC o 18,21% e na Uvigo o 10,29%.
Nós apostamos pola redución da porcentaxe de participación das taxas no financiamento das universidades até o 5% no ano 2010, non producíndose ningún perxuízo económico para as universidades e beneficiando a moitas e moitos.

+ bolsas

Só o 17% dos estudantes da Galiza están bolsados polo Ministerio de Educación e Ciencia (MEC), primando os criterios académicos sobre os económicos e producindo que unha parte importante do estudantado non teña acceso a unha bolsa que necesita.
Consideramos que é necesario en 2010 pasar do 17% ao 33% os estudantes beneficiaros de Bolsas de Axuda ao Estudo, e elevar do 17% ao 50% os estudantes que teñen exención de taxas por criterios de renda. Alén da asunción da política de bolsas por parte da Xunta a fin de axeitala ás nosas características socioeconómicas propias.

+ aloxamento público

Para garantir un aloxamento público abondo faise necesaria a creación dun ente público composto polas tres universidades galegas, a Consellaría de Educación e Ordenación Universitaria e a Consellaría de Vivenda e Solo para a xestión do aloxamento universitario, que convirta todas as prazas concertadas, subvencionadas e concesionadas en prazas públicas antes do ano 2010. Así como a elaboración dun plano plurianual de aloxamento público universitario que garanta cando menos acceso ao 15% dos estudantes matriculados en cada campus.

+ coordinación

Un apoio económico decidido será imprescindíbel para a xestión integral necesaria do Sistema Universitario Galego (SUG) no que ten a ver coas infraestruturas, aloxamento público universitario, matriculación, investigación, mapa de títulos, promoción...

- despilfarro

Coidamos que para que os cartos de todas e todos nós non os desbalden uns poucos é completamente necesaria a fiscalización e control orzamentario por parte da Consellaría de Educación e Ordenación Universitaria.

+ calidade

Unha universidade de calidade pasa pola progresiva eliminación da limitación de prazas nas titulacións, nos graos e nos posgraos, a eliminación das probas específicas para as titulacións, a redución das proporcións profesor/alumno. Do mesmo xeito cómpren melloras substanciais tanto en materiais como en infraestruturas.

Ataque Fascista en Pontevedra

Unha vez máis un camarada é acoitelado, cando el non fixo uso da forza, unha vez máis os fascistas atacan só cando son mais e mellor armados.

Son moitos os que denunciamos que os fascistas actúan con impunidade, que son tratados como héroes por asociacions legais e subencionadas(caso de Inestrillas), e que pese acoñecer a súa ideoloxía violenta os seus partidos e asociacións seguen a estar legalizadas.


Pero, pese o paso do tempo, as autoridades seguen igual e non toman mediadas. Encarcéanos e mesmo nos torturan namentres os verdadeiros asasinos permanecen na rúa Asasinos protexidos por amplos cordóns policiais durante os seus actos, como aconteceu o pasado día 25 en Euskal Herria(nun acto da Falanxe). Pola nosa parte, seguiremos loitando individual e colectivamente dende a primeira liña do antifascismo: informamos e saboteamos a súa información dende blogs e foros, participamos nos actos de repulta e nas contramanifestacións, pero o máis importante: combatémolo e combarémolo día a día e sen deixarlle tregua.

Querido camarada, convertícheste nun exemplo a seguir.
Nin esquecemos, nin perdoamos!!!




Noticia(según a indymedia)

O rapaz acoitelado atopáva-se na entrada dum pub pontevedrés, com 2 companheiros mais, quando um grupo dumhas 10 pessoas, vários vizinhos de Ponte Vedra e outros da cidade espanhola de Valladolid, começarom a increpa-lo e a insulta-lo pola sua ideología nacionalista. Ao ver que nom lhes fazia nim caso, começarom a insultar a umha das duas pessoas que o acompanhavam, um rapaz marroquí, berrando cousas como “moro de mierda”, entre outras frases.

Chegados a este ponto, ao comprobar que os insultos e a agresividade iam a mais, foi quando se produziu o enfrontamento, em clara inferioridade, resultando finalmente acoitelado nas costas o rapaz pontevedrés.

O rapaz atópa-se ingresado no Hospital Montecelo de Ponte Vedra (CHOP), onde parece ser que ficará durante vários dias. Esta tarde ainda se baralhava a posibilidade de ter que intervi-lo cirurgicamente, mas dentro da gravidade dos feitos, parece que tivo sorte e está fora de perigo, mas puido ser moi sério. Nom foi umha pelea nim umha bronca, os agresores iam armados e empregarom as suas armas contra este rapaz.

Ante estes acontecementos, devemos amosar-nos firmes e respostar nas ruas ante estas agressons fascistas e racistas. Nom o podemos consentir!!!

PAREMOS O FASCISMO!!!
NINGUMHA AGRESSOM SEM RESPOSTA!!!

A CIGA RESPONDE FRONTE A DIRECTIVA DAS 65 HORAS

O pasado 11 de xuño, o Consello de Emprego, formado polos Ministros de Traballo de cada un dos Estados que integran a UE, aprobou por maioría a chamada DIRECTIVA DE TEMPO DE TRABALLO que pretende:

1. Poder traballar, como máximo, unha xornada semanal de até 65 horas, con carácter flexíbel, que se regularizará por exceso ou defecto cada tres meses; sen fixar o tempo de descanso entre xornadas laborais, nin límite de horas de traballo ao ano. O que se traballe de máis nunhas semanas, traballarase, supostamente, de menos nas outras.
2. A Directiva estabelece para determinados sectores de servizos, como pode ser a Sanidade, Vixilancia e Seguridade, Condutores de Transporte Público ou Privado... etc, que o período inactivo de traballo que non se preste unha atención continuada non se considere tempo de traballo, por exemplo, durante unha garda médica o tempo que non hai pacientes, ou nos tempos de espera entre servizos para os condutores de autobús.
3. Estabelécese a posibilidade de que na sinatura do contrato o traballador ou traballadora pode “voluntariamente” de xeito individual e con independencia do regulado en Convenio, aceptar a xornada de 65 horas. Eles saben perfectamente que a chantaxe dos empresarios será condicionar a sinatura do contrato a que se acepte a ampliación da xornada.

No Estado Español, a xornada máxima de 40 horas semanais está acordada desde o ano 1979, pero a involución do capitalismo máis salvaxe que domina Europa quere facernos retroceder 200 anos. Queren facernos traballar máis horas e máis barato, evitarán as horas extra e os pluses para os que traballan en fin de semana ou festivos.

Esta Directiva será debatida para a súa aprobación nos próximos meses no Parlamento Europeo, onde a dereita neoliberal ten maioría, polo que parece probábel a súa aprobación antes do mes de decembro. Unha vez aprobada, cada Estado debe adaptar esta norma á súa propia lexislación nun determinado prazo.

Como podemos ver, a Europa que se constrúe non protexe o mundo do traballo nin á clase traballadora. Esta é unha Europa neoliberal que non ten reparos en gastar miles de millóns de euros de diñeiro público de todos os Estados a través do Banco central Europeo, para pagar nesta crise, o despilfarro, a especulación financeira dos bancos e das inmensas fortunas, que agora socializan as perdas pero antes non socializaron as inmensas ganancias. Co noso diñeiro pagan as consecuencias da súa avaricia e logo nos dirán que temos que reducir as pensións, as prestacións por desemprego, a sanidade...

Mobilízate coa CIG o día 7 de outubro

CONCENTRACIÓNS

A Mariña: Ás 11:00 horas no concello de Cervo.

A Coruña: Ás 12:00 horas, diante da Subdelegación do Goberno

Ferrol: Ás 12:00 horas diante do edificio da Xunta de Galiza na Praza de España.

Lugo: Ás 12:30 horas diante da Subdelegación do Goberno.

Ourense: Ás 11:30 diante do edificio sindical

Pontevedra: Ás 12:30 horas diante da Subdelegación do Goberno.

Santiago: Ás 12:30 h na Praza de Galiza.

Vigo: Ás 12:00 horas, saída de diante do pavillón do Berbés.
Fonte: CIG

Só recordan aqueles mortos que lles son proveitosos

Hai uns días Pablo Casado, o fachilla presidente das Novas Xeracións do PP de Madrid, fixo unhas declaracións tratando sen respecto ningún a esquerda.
Somos moitos os que estamos fartos tanto da socialdemocracia burguesa como da máis dura dereita capitalista. Somos moitos, amigo Pablo, os que pensamos que o voso sistema económico esta condeado a desaparecer, somos moitos os que non pertencemos a un partido coas mans manchadas da sangue dos inocentes.

Quen se burla dos asasinados durante o franquismo, e quen non se manifesta abertamente en contra do fascismo debería de serlle aplicada a famosa lei de partidos. Namentres non é así.


Déixovos un Manifesto, as declaracións do fachulla en cuestión e unha canción sobre a memoria histórica.



Manifesto en Resposta por parte das Xuventudes Comunistas


Dende a Mocidade Comunista queremos mostrar a nosa máis absoluta repulsa ás desafortunadas declaracións que Pablo Casado, presidente das Novas Xeracións do Partido Popular de Madrid, realizou no marco do último congreso do seu partido.

Nelas, orgulloso de poder definirse como unha persoa con ideas liberais, pareceu aproveitarse do posible tirón mediático que pode traer consigo a película Che: O Arxentino, para cualificarlle como un asasino ao que a esquerda idolatra mentres que postula ao PP como o único capaz de defender ás vítimas de E.T.A.

Máis aló da arrogancia coa que chega a defender que a maioría da mocidade española compartimos as súas ideas pese a que aínda non o saibamos, consideramos que desde a súa posta en escena (máis propia dun monólogo americano que dun relatorio político) ata as formas coa que se dirixe á oposición, son mostras evidentes da xiro cara a dereita no discurso que o Partido Popular e as súas mocidades veñen mostrando nos últimos anos.

O discurso populista e pouco científico que Pablo Casado lanzou aos asistentes, baseado en sentimentalismos que van desde a utilización do terrorismo con fins partidistas a consignas tradicionais da dereita nacional-católica española, tratou de convencer de que mentres a esquerda estaba atrasada por cantar cancións como “A Internacional” e idolatrar a asasinos como o Che Guevara, a dereita era progresista por opoñerse ao salario mínimo, pois crea paro xuvenil e alabar as figuras de Reagan e Juan Pablo II (pese a que recoñece que nas universidades é máis difícil falar ben destes últimos)

Nós e nós, con menos repercusión mediática e talvez por iso con análises máis modestas, non podemos dicir que a maioría da mocidade española sexa comunista aínda que aínda non o saiba. Con todo, estamos convencidos de que a mocidade cansada de traballos precarios, temporais e mal remunerados non comparte as formas de entender a política cos adiñeirados nenos de papá do Partido Popular.E sabemos que se nas universidades, maioritariamente integradas por @mozo, é difícil defender as figuras públicas da dereita, é precisamente porque a mocidade española nada ten que ver coas ideas prohibicionistas do uso do condón e o aborto, os prexuízos contra a homosexualidade, ou a defensa do ser humano como medio para facer máis diñeiro.

Definímonos como novos marxistas-leninistas, como o futuro inmediato do Partido Comunista de España. Seguiremos sendo a algazara xuvenil que canta A Internacional nos oídos daqueles que se retorcen ao escoitala, como no seu día cantaban A Nova Garda, o noso himno, as trece raparigas que foron fusiladas fronte ao cemiterio da Almudena polos verdadeiros asasinos, aqueles que nin o Partido Popular nin as súas mocidades atrevéronse a condenar aínda.

Da intolerancia, ao máis penoso absurdo.

Por todos é coñecido o desprezo que sente unha minoritaria parte da sociedade galega pola nosa lingua. Maia que son poucos os inimigos do galego son moi poderosos xa que pertencen as clases máis altas e conservadoras da nosa sociedade. Teñen un odio irracional contra a nosa proletaria fala e tratan de escapar dela(seica lles pode facer mal).

Se o ano pasado tivemos a oportunidade de ver o patético circo montado por parte dunha loxa que pretendía montar unha cruzada en defensa dunha lingua que non esta ameazada. Este ano as accións contra o galego non cesaron, pero seguen a ser minoritarios.

Agora á máxima é alcanzar que os nenos destes “cruzados” non teñan a desgraza de aprender unha lingua máis. Para conseguir este fin, os “preocupados” están tomando as iniciativas que ven necesarias.

Así, para fuxir da “perversa imposición do galego” decidiron fundar un colexio en Portugal(a poucos metros da fronteira), deste xeito, os seus fillos están protexidos da “inquisición” que protagonizan os galeguistas. Tamén en Vigo, ideado para fuxir da “imposición do galego”, alí os nenos son educados mediante o sistema de ensino norteamericano “para poder ofrecer máis horas de clases de castelán”.

Entre as excentricidades destes radicais esta a de mandar os fillos no verán a outras rexións do Estado para practicar o castelán.

Alá eles se desexan marchar a Portugal ou a Sevilla, eu polo menos non os penso votar de menos,

Por certo deixo colgado un vídeo dunha homenaxe a estes “loitadores da liberdade”. Con todo o cariño, espero que lles guste.

Ó final sempre pagamos os mesmos.