A lenda de Juba.

Quen é Juba?Hai algo máis dun ano, soldados americanos comezaron a ser abatidos por un francotirador descoñecido que tiña unha forma de actuar diferente ao resto. Disparaba dende unha distancia media, uns douscentos metros, facendo sempre só un disparo para evitar ser localizado. Cando finalmente os americanos conseguían chegar ao lugar dende onde se realizara o disparo, atopaban unha nota ou un graffiti onde se podía ler: “o que foi tomado con sangue non se pode recuperar salvo coa sangue- Francotirador de Bagdad”

Os ianquis, non sabendo como referirse a este inimigo invisíbel que os ameazaba decidiron chamalo “Juba”, un nome persa escollido máis ou menos ao chou. Sen sabelo, acababan de crear unha lenda.

Co tempo foron aparecendo vídeos en youtube colgados por Juba así como o aumento dos ataques por parte de este. Poida que Juba sexa só un home, pero todo apunta a que son varios francotidores coa mesma forma. De forma que o que semella un home de lenda, son en realidade moitos homes anónimos, algúns xa foron abatidos polos americanos.

Son moitos os iraquies que sente sinpatía e admiración por Juba. Isto débese a que el xamáis asesinou a civís. Cousa que si fan os americanos(o mal chamado dano colateral). Polo que tamén son moitos os que deciden seguir os pasos de Juba e facerse francotiradores pasándo a reforzar a insurxencia iraquí.

O que probabelmente foi un francotirador cunha nova forma de actuar baseada en libros ianquis de estratexia militar(recoñeceo nos seus videos) rematou sendo un nome colectivo que comparten moitos insurxentes anónimos. Polo que Juba non é un home só, Juba é todo o movemento insurxente.

(o video é un pouco forte)

¡¡ RACING 2- EXPORTING 2!! non é unha vitoria, pero tampouco unha derrota.

Este sábado 15, uns 4 000 asturianos invadiron literalmente Ferrol coma se foran unha horda bárbara. Pasei a iso da unha e media da tarde por diante da Malata e os borrachos xa se contaban a ducias. As seis e media(hora do partido) superaban a centena, aqueles siareiros do Sporting que case non daban coordinado os seus pasos.

Tamén había uns cantos coches de antidisturbios, para tratar de que houbera orde. Os policías non vixiaban toda a zona. Simplemente estaban en dous lugares. Eu viña dende Canido coa miña bandeira e a miña bufanda do Racing cuns cantos amigos. Baixamos cara as taquillas polas escaleiras e topámonos coa horda. Camiñando rodeados de asturianos que nos berraban que lles deixaramos gañar, que non sacaramos a Pereira e outras cousas menos bonitas(estas últimas pregoadas polos abundantes borrachos) chegamos as taquillas e logo de mercar unha entrada fomos para os nosos asentos en fondo.




Dentro de campo, un paisaxe dantesco. Catro mil asturianos que semellaban un fantasmagórico exercito enviado para arrasar Ferrol. Debido distancia co outro fondo onde estaban acomodados e a que os ástures non berraban demasiado ese aspecto de pantasmas era aínda mais arrepiante.

O partido comezou cun gol dos bables, secundado por dous tantos do equipo de Trasancos e un último tanto do equipo asturiano. O Racing de Ferrol xogou con forza e maña durante todo o partido, pero a defensa asturiana paraba con forza bruta as filigranas dos nosos. Finalmente o partido rematou en empate, 2-2. Acadando así cada equipo un punto, non é moito pero, algo é.

A saída do campo eu levaba unha bufanda e unha bandeira do noso equipo. Cando subía polas escaleiras que dan a estrada onde están as portas de preferencia, un siareiro Sporting agarroume a bufanda e votou a correr . Eu perseguino para recuperala miña bufanda, sen soltar a bandeira do Racing.



A xente non me auxiliou non sei se foi por que pensaban que eu era o agresor ou se era por que lles daba igual. O caso e que el levaba tenis, eu botas, el levaba chándal, eu chupa e vaqueiros. Perseguino con todas as miñas forzas detrás del, berrando e pedindo auxilio pero ninguén facía nada. Total que cando me din conta xa estabamos chegando a FIMO, o lugar onde puxeran unha carpa para deleite dos bables. Entón dinme conta do que estaba pasando, tenderanme unha trampa para darme unha malleira entre varios en FIMO. Buscaran a un afeccionado do Racing, nin moi neno nin moi home(pois nin tiñan tan poucos escrúpulos como para pegarlle a un neno pequeno nen eran tan valentes como para enfrentarse cun home maduro) para atraelo e zoscarlle logo entre varios. Pese a que o perseguin con ansia ata que me vin rodeado de asturianos, non tiña ganas de que me zoscaran sendo eles mais polo que finalmente volvinme cara o estadio, total por unha bufanda.

Tamén e salientábel que nas gradas do Sporting eran moi abundantes as bandeiras españolas e a simboloxía racista-fascista. Iso e o pelo case rapado do ladrón fanme pensar tal vez foi un skin de dereitas o que me roubou a bufanda(pena que non o din collido).

Cambio radical

Hai que ver como cambian as persoas unha vez que conseguen poder, ou tal vez se comporten como de verdade son?

Os políticos adoitan ir quitando pouco a pouco as peles de ovella coas que se disfrazaban ata que, cando nos damos conta decatámonos de que eran lobos camuflados. Moitas veces cando isto pasa xa é demasiado tarde, xa están gobernando.

Pois ben o “bambi” non máis que outra gran decepción para os a xente de esquerdas que o votou.
O Zp xuntouse malas amizades e para non ser menos ca os do PP, debe de que querer que o deixen entrar no partido, comezouse a comportar da mesma forma ca eles. Ilegaliza partidos, pacta coa SGAE e a cambio os artistas fanlle publicidade, deixa de lado a baixada no nivel de vida das clases populares e coma si fóranmos tontos promete “regalarnos 400 euros” que votando contas e coas subidas do pan, e case o que gastamos anualmente na miña casa ao comprar cada día un barra(e ben mala).

E se agora se comporta así, como o fará dentro de 4 anos? votará a fundar o Gal? porá a ensinanza obrigatoria ata os 18 anos para reducir o paro? subira a idade de xubilación ata a acercala perigosa mente a idade media de defunción? Co cara que esta a bolsa da compra, os sindicatos de funcionarios pediran que lles abonen o soldo en comida? PARA AQUEL QUE LEA ISTO MANDARLLLE UNHA CLARA MENSAXE:

ZP ≠≠ ESQUERDA(se o queres votar faino pero ten claro que se comportará como tal e como fai a dereita)

pd: (Por si o lee alguén do BNG, IU, PNV, ERC...). Probabelmente producirase un empate técnico entre PP e Psoe, polo que ámbolos dous partidos terán que buscar o apoio. O máis seguro é que o Psoe teña que pactar cos partidos nacionalistas e/ou de esquerda e estes daranlle o seu apoio, o consello e o seguinte. No caso de que esto pase, porque non votades en contra candidatura do Bambi? obrigando ao Psoe a gobernar conxuntamente con todos vos. Elixindo un presidente entre os que queden no Psoe e que verdadeiramente sexan de esquerdas(se é que hai algún).

"Los Borbones en Pelota"

Recentemente chegou as miñas mans un correo polo cal coñecin este libro descoñecido por todos. Publicado polos irmáns Bécquer, baixo o pseudónimo de Sem(abreviatura de Semen), é claramente pornográfico .

O libro esta composto por acuarelas pornográfico-satíricas con guións do poeta Gustavo Adolfo Bécquer e debuxos do seu irmán Valeriano Bécquer. Nel podemos ver debuxada a Isabel II e o rei consorte ou como lle chamaba a súa muller "Paquita", un rei que segundo se di non era capaz nin de mexar de pé e que polo tanto dubídase sobre a paternidade dos seus presuntos fillos. Raíña da cal descende Juan Carlos de Borbón a cal se lle atribúe ter levado unha vida bastante alegre.

O libro, pese a quen pese, esta editado e por se o queredes mercar pásovos os datos da edición. Creo que estas e outras moitas historias demostran a inutilidade da monarquía. Monarquía que moitos denfenden a ultranza por considerar que unha persoa se é educa dende que nace para gobernar será un bo gobernante. Pois ben, Isabel II foi educada dende que naceu para gobernar e fixoo dende os trece anos e non sei si polo parece a vos, pero para min non foi unha boa gobernante.

LOS BORBONES EN PELOTA
© 1996 COMPAÑÍA LITERARIA , S.L.
Por los textos: © Robert Pageart, Lee Fontanella, María Dolores Cabra Loredo
Depósito legal: M-19.995-1996
| ISBN: 84-8213-028-5
291 pp. | 28,5 x 20 cm. | cartoné | PVP: 30 €
[ Portada de Javier Belloso ]

"Carlos Marfori, de pé e cunha copa de viño na man , observa a Isabel II sentada e cunha perna sobre un brazo do sofá. Sor Patrocinio, na mesa, está sendo reclamada por González Bravo, a quen reclama Francisco de Asís. O pai Claret sodomiza ao rei mentres unha parella de cadelos emulan aos seus donos formando parte da festa”

(imaxe colgada dende o blog http://www.sindinero.org/blog/archives/157" se queredes ver o correo podedes descargalo: http://www.infonacional.com/ynestrillas/LosBorbones.pps)

ATENTADO EN FERROL

Quén esta detrás deste atentado? Dende logo que polo obxectivo escollido e a forma de actuar coido que se debe tratar da extrema dereita.

Quen podería querer facerlle mal ao ateneo? Os posibles agresores son moitos xa que o ateneo realiza labores de apoio a moitos colectivos, debido a isto sofre ameazas continuas. Non ameazas verbais nen telefónicas, senón ameazas capitais e políticas, así como boicots económicos.

Na nosa zona houbo outros ataques parecidos por parte da dereita non hai moito tempo, así foi o caso da asociación Artabria, ou da libraría Limiar. Dende este humilde blog tan só podo darlle todo o meu apoio ao Ateneo Ferrolán e pedirlle as forzas de seguridade que investiguen este crime, unha vez máis a extrema dereita demostrou o que esta disposta a facer para impoñer a sua vontade. Para eles o fin xustifica os medios, non dudaron en matar e amenazar no pasado e tampouco o fan no presente.

http://opaii.blogspot.com/

Xa teñen himno:

Como todos xa saberes xa saíu unha letra para o himno español.


Espero que lles guste moito esta nova letra a todos os que se consideran españois, a min sinceramente tanto me ten. Eu xa teño un himno e estou a gusto con el, mentres non me molesten coma si cantan de himno o anuncio do atún(sacatún que tun) co brazo no peito mirando cara ese farrapo o que tanto se esforzan en nos poñer diante das narices todo o santo día.

Falando agora da letra, considero que se analizamos claramente pódemos atopar unha clara mensaxe colonialista, unha vez máis tratan de nos facer crer que todos somos fillos desa gran nación elixida, ou o que é o mesmo o himno este non é mais ca un rebrote de facheiro puro e duro.

Por moito que se traten de argumentar os seus pensamentos imperialistas, as súas palabras nin merecen ser escoitadas. Tamén Salazar dicía que “Portugal nao ten colonias senón que hai moitos anacos de Portugal por todo o mundo”.

Penso que non nos debemos en esforzar para en lles pedir que poñan outra letra para o himno, teña a letra que teña ningun himno español será noso, namentres si nos debemos esforzar en lles facer ver que nos xa temos un himno, unha terra, unha bandeira. Deben de recoñecer que Galiza é unha nación permitindonos ter goberno propio e un comite olímpico propio permitindo así que os nosos deportistas poidan can ter un himno, o seu, o galego.



¡IN-DE-PEN-DEN-CIA!

COMO DICÍA SKA-P

¡LIBERDADE!

Un grito que soa en todo o mundo, un grito xusto unha causa, un pensamento , un soño,un fin... Miles de causas abertas hai no mundo, centos de pobos a reclaman sen serlle concedida na meirande parte das veces. Pese aos esforzos da sociedade burguesa colonialista os pobos tratan de liberarse das súas cadeas e algunhas veces lógrano.
Non se trata de exércitos en guerra nin de xente armada, salvo contadas excepcións radicais. Senón de movementos comprendidos por tódolos sectores de sociedades que en moitos casos sofren xenocidios e represión. Son caos que chegan os nosos oídos
sen que nos dignemos a darlles importancia como o caso palestino, kosovar ou checheno. Unha das cousas máis descoñecidas pode ser a Corsa, os corsos son un pobo que como o noso non ten un recoñecemento oficial. Este vídeo foi colgado na Indymedia e fala da causa corsa. No vídeo pódense ver figuras de aspecto radical e de feito tal vez o sexan, pero nin tódolos coros son radicais nin esta é unha causa inxusta.

A NOVELA QUE NOS TOCA VIVIRMOS TITÚLASE 2008, ESTO PODERÍA SER O SEU PRELUDIO.

Esta novela, trata de roubos e de cacicadas, de xente que reclama o que xa é de por si seu e doutra que trata de impedir que o poidan ter.

Comezou un ano máis damas e cabaleiros e non é un ano calquera este ano promete ser movidiño.
Por que?
Pois ben temos por un lado que dentro de pouco o Goberno español esta tramando de ilegalizar dous partidos políticos, por suposto nos dous casos trátase de partidos de ideoloxía de esquerdas e nacionalista. Sen meterme no debate de si fai ben ou non, xa que dito debate merece como mínimo unha entrada propia tan só digo unha vez máis que haber para cando fai o mesmo con outro partido nacionalista e moi coñecido por todos entre outras cousas pola súa historia de violencia, falo da Falange é do seu entorno político DN - Fuerza Nueva - Guerrilleros de CristoRey... e toda esa xente.

Por outro lado o próximo día 15 tense convocada unha folga en xeral para a USC contra o plan boloña, plan que en poucas palabras vai a privatizar a universidade pública. E neste caso, unha vez máis, os alumnos vense obrigados a protestar sen o apoio dos profesores os cales a favor en dito.

A finais deste ano comezou a resucitar no noso país a vella pantasma da loita armada e comezamos o ano decotándonos de que os presos galegos independentistas están a sufriren agresións no cárcere. Esperemos que dita loita armada cese, xa que para min non esta a resultar nada útil nin ten lóxica ningunha facer voar un caseto dunha inmobiliario(con iso non se consegue nada) así coma as agresións aos presos galegos pero tamén a tódolos presos detidos por seren independentistas en xeral. Xa que como reflicten varios informes internacionais neste estado ditos presos sofren en moitos casos tortura cousas que segundo esa constitución que tanto se esforzan en nos vender é ilegal.

E ademais de moitas causas que trataremos este ano, moitas das cales están aínda por surxiren, penso que unha das que máis dará que falar son as próximas eleccións. Eleccións que prometen ser bastante movidas no panorama galego, e nas cales por primeira vez un servidor tal vez vote para de seguro ser defraudado polo partido no cal deposite a súa confianza. Por que digo eu isto? pois moi sinxelo meus señores porque a fe é cousa de curas e non de labregos e si algo son eu é desconfiado como bo comedor de patacas con grelos que son.

Sobre a mensaxe da súa maxestade

Ano a ano os galegos vemos como todo segue igual. Despois dun ano de loita pola liberdade do noso pobo, os nosos logros non son notables un ano máis. Para recordarnos este noso fracaso un señor dende Madrid fálanos sentado nun luxoso sofá sobre a unidade desa cousa a que lle chaman España.

A figura do Rei estásenos a vender máis ca cocacola. A monarquía gana adeptos día a día, xa non se chaman monárquicos absolutistas os seus seguidores senón que se fan chamar "Juancarlistas". Que quere dicir este termo? que seguen o que di o tal Don Juan Carlos? Posiblemente sexa así.

Queirámolo ou non crer hai moita xente que pensa que o Rei é unha figura que representa a todos os habitantes deste estado. Moitos galegos veno como unha figura integra, e digna de todo o respecto do mundo. Nesta mensaxe tamén vemos unha vez máis o efecto da diglosia, galegos que falan entre eles galego din marabillas do falar castelán dunha persoa con maior poder ca eles e mesmo o tratar de imitaren na forma de falar.

Como din tódolos periódicos o rei mandaba unha clara mensaxe ecolóxica pois ao parecer tiña unha foto del plantando un pino durante unha reunión internacional que xa non recordo. Eu vin outra mensaxe, que non sei se vos fixastes unha clara mensaxe política.

Pese a que o rei non forma parte de ningún partido político, pois non pode, por todos é sabido que non sería lóxico que apoiase a esquerda, máis que nada pola conta que lle ten. Pois ven, dentro dos partidos da dereita por todos é sabido que as Cores do PP son o azul e o laranxa, pois ben fixádevos agora na garabata e na camisa da súa maxestade.

Dende logo, como se nota que cada día están máis próximas as eleccións.


pd: Moitas grazas ao que me pasou a dirección da recensión non oficial sobre a mensaxe do Rei deste ano.
(Rei, mensaxe, nadal, Madrid, partidismo político, juancarlistas)

PATENTE DE CORSO

Tal é como se facía na época dos piratas. O goberno español facilitoulle unha patente de corso a SGAE. Con esta patente os capitáns Sir Bustamente e Sir Bisbal non só teran dereito a seguirnos a atormentaren coa súa música senón que por cada CD que merquemos quedaranse cunha parte para compensalos CDs ao parecer descargamos que descargamos.

Ao mellor non nos parecen en principio unhas subidas tan alarmantes, pero por exemplo o prezo do CD chegarase a duplicar cando se aplique esta nova lei, co tempo o prezo dos equipos electrónicos baixará por mor dos avances tecnolóxicos pero isto non ocorrerá con canons que seguirán como mínimo inalterables ao paso do tempo.

É certo que moitos países aplican este absurdo imposto pero isto non ocorre en Portugal polo que se prevén que a compra de DVDs e CDs se desplace ao pais veciño. Dentro de pouco tal vez poderemos ver en ValenÇa non só toallas senón tamen bobinas de CDs, reprodutores de mp3 e móbiles de nova xerción. Dende logo que si esta lei vai facer florecer algunha actividade esta é o contrabando.

SOBRE O CANON DIXITAL(por un colaborador externo)

Na nosa lingua(traducido):

Que vergonzoso é que unha entidade privada, amparándose na piratería e lexitimada por unha lei promulgada por un goberno que presume de ser socialista, se beneficie de todos os españois con un imposto inxusto e de dubidosa legalidade. Dentro de pouco, teremos que pagar máis do dobre por CDs e DVDs e algo máis polos xa caros equipos dixitais. É dicir, os nosos petos empobrecesen , unhas industrias financian a outras e as contas dos cantantes medran exponencialmente. A solución témola ao alcance da man : comprar menos discos orixinais ca nunca, gravar todo o que poidamos e queimar os modems descargando arquivos. Pregúnteme a que membro do goberno coñecerán na SGAE...

En castelán(versión orixinal)

Que vergonzoso es que una entidad privada, amparándose en la piratería y legitimada por una ley promulgada por un gobierno que presume de ser socialista, se beneficie de todos los españoles con un impuesto injusto y de dudosa legalidad. Dentro de poco, tendremos que pagar más del doble por CDs y DVDs y algo más por los ya caros equipos digitales . Es decir, nuestros bolsillos se resienten, unas industrias se financian a otras y las cuentas de los cantantes crecen exponencialmente. La solución la tenemos al alcance de la mano: comprar menos discos originales que nunca, grabar todo lo que podamos y quemar los modems descargando archivos. Me pregunto a qué miembro del gobierno conocerán en la SGAE...

"España ole mal"

"España ole mal", non o digo eu que o dí un castelán. Perosalmente creo que verdadeiramente o "Estado Español" cada vez é máis corrupto polo que tal vez deberíamos tratar de deixar de formar parte de el.

Dicir eso si que a miña terra non ole mal, pode haber políticos nela que den noxo e apesten pero a miña terra segue a ter o salgado olor do mar por moitos caciques ca invadan non lles imos permitir que fagan que apeste.

CAUSA GALIZA

Digan o que digan queimar fotos pode ser algo perxudicial para o medio ambiente pero dende logo non é un delito. Non queimaria xamais unha foto por que non serve para nada pero non é xusto que metan no carce aos que o fan.

Esto pasou onte en vigo pero os rapaces foron finalmente liberados. Na manifestación organizada por Causa Galiza non só se queimou esta foto senón que se mandou un claro mensaxe a Madrid de que estamos fartos de ser unha colonia.

Deixo un video que nos recorda que a monarquía actual descente directo do fascismo por moito que se queiran empeñar en enfocala como democrática e sistema de xusto de goberno.


"Liberdade para Santiago. Crístofer, Carlos e Alexandre!
Galiza sempre antimonárquica!
6-D, nada que celebrar!"

Loitando pola terceira.

Onte como motivo do día da constitución miles de persoas recorreron as rúas de Madrid pedindo unha reforma constitucional para que se acade a terceirarepública.

Segundo os organizadores a manifestación reuniu a

unhas 5 000 persoas o que reflexa o desexo de moita xente de reformar unha constitución que esta claramente obsoleta.

Como moitos saberedes polos informativos si se ten plantexado unha reforma constitucional dende os partidos maioritarios pero eles non desexan abolir a monarquía, senón darlle unha nova capa de pintura que a faga parecer un sistema de goberno xusto. Que máis da que gobernen os homes ou as mulleres? o que importa é que todos sexamos iguais ante a lei e para que se cumpra isto tense que abolir o actual sistema de monarquía democrática xa que non é máis que un arcaísmo da época feudal segundo o cal os nacidos nunha familia determidada teñen toda unha serie de privilexios.

Como se ve na foto na manifestación houbo representación das nacionalidades históricas, como nos adoitan chamar, ou sexa dos pobos asoballados no actual réxime democrático aos que non se lles recoñece o dereito a autodeterminación como nacións.
Por moito que se esforce a prensa en "vendernos" a monarquía como modelo de gobernos ensinándonos as fotos de "Doña Leonor", moitos non aceptaremos xamais esta modelo de goberno como noso, senón que pensamos que é algo imposto. Eses señores que habitan no palacio real non nos esquezamos de que foron postos no poder por un ditador e que entre os seus antepasados atópanse os "Reis Católicos" os cales xa sabemos todos que non se caracterizaron por tratar ben a esta nosa terra. E se que goberne unha persoa por ser descendente doutra xa é algo inxusto, que nos goberne unha persoa por ser descendente de tiranos como Fernando VI e Felipe V é algo non só inxusto senón tamén incomprensible.

Nesta por acadar un marco legal reixo pola constitución no cal se recoñeza o noso dereito a liberdade como pobo e a igualdeade de homes e mulleres, os galegos contamos co apoio de cataláns e vascos cos cales compartimos un inimigo común ademáis da esquerda de Castela, Andalucía e outras comunidades autónomas.

A cooperación entre cataláns, vascos e galegos é necesaria para acadar os nosos obxectivos, dita cooperación é posible é xa esta a dar os froitos como puidemos ler hoxe en vieiros. Esperemos que algún academos a liberdade como pobo que tanto ansiamos, mentres tanto teremos que nos conformar con facer todo o necesario para que a poidamos acadar.

“Que a nosa terra é nosa, non o dubide ninguén.”

Denuncia a Pío Moa

Pío Moa foi denunciado por delitos de inxurias, entre as cousas que afirmou atópamos perlas do estilo de: “Pregunta: Sr. Moa: ¿Qué opinión le merece el Gobierno actual de España?’ Respuesta: Recuerda a los peores de la república. Si el lector tiene en cuenta que la respuesta la realiza una persona para la cual el golpe de Estado de 1936 era legítimo, tiene motivos para inquietarse: si el aquel golpe era legítimo, ¿no lo sería uno ahora contra un gobierno que ‘recuerda a los peores de la república?"

Este señor esta a ser demandado por unha iniciativa que comezou un blogueiro e afiliado de Eu, actualmente sumóuselle moita xente para pedir que non se permita que unha persoa fala trate desa forma a vítimas inocentes, nas súas afirmación xustifica o crimes fascistas “Aquí la represión se encauzó por vías legales, no como en Europa.(…) A nadie se le reprimió por cómo pensaba, sino por lo que hacía. Companys no era inocente. Ni tampoco las Trece Rosas, unas jóvenes estalinistas” e mesmo se atreve a insultar a xente que se mostra a favor da lei de memoria histórica, lei que moitos nos parece insuficiente, coa seguinte perla retórica:“aquellos que hoy defienden la Ley de la Memoria Histórica se identifican con los criminales”.


Como é posible que este señor se atreva a dicir o que di? coido que é unha realidade que existe, existiu e existirá xente tan falta de valores morais como para ser tan ruín coma este señor pero penso que a sociedade debería de mostrar o seu rechazo. De feito xa son mais de mil persoas as que firmaron pedindo que sexa xulgado por penas de ata dous anos de cárcere.


Se vos interesa firmar pedindo que sexa xulgado polos delitos que cometeu pinchade neste linK

no cal tamén atoparedes información acerca do que dixo este señor. Seguramente el pense que o galego debería de ser perseguido como o foi na ditadura e polo que di debe de pensar que todos os que nos declaramos galegos somos uns criminais que deberiamos ser como di el "xustamente xulgados" ou o que é o mesmo fusilados nunha cuneta como o foron os miles de galegos asasinados durante a ditadura.

"Xente a quen debes decirlle sorrindo e sen acritude:-Os mortos que vos matades gozan de voa saúde....Pode o corpo ser vencido, pode o dereito ser torto máis o lume que alampea xamais o veredes morto.-"

¿¿Resurixir fascista??

Penso que non,son tantos coma sempre, soamente que ultimamente estanse a mobilizar máis ca nunca.



Hoxe, día 20 celebrarase no “Valle dos Caídos” en Madrid o funeral por Franco, Paquiño Voz de Pito ou como lle queirades chamar. Este é o último ano que se celebraran legalmente actos abertamente fascistas na conmemoración da morte do ditador.
Xa pasaron 32 anos dende a morte do máximo artífice do asasinato de miles e miles de galegos asi como o culpable do retroceso dos dereitos dos obreiros acadados tras anos de loitas sindicais. Pese a iso hai xente que non o ve como un criminal.

Pasaron xa 32 anos e de seguro que se existe un Deus. Debe levar uns 32 anos ardendo no inferno, o que e pouco, pois de seguro que a xustiza divina lle ten reservada a cadea perpetua. De nada servirán as moitas misas que se lle fagan, nin os cartos que puxera en mans da igrexa; el esta sentenciado pois ninguén o pode librar da xusta sentenza.

En canto aos seus seguidores que seguen a ser miles, todos eles merecen o noso desprezo, son xente que non recoñece nin os dereitos humanos nin que outra xente sexa diferente a eles. Penso que algúns non o fan guiados pola malicia, simplemente é quen non son ben. Pero aínda
que algúns o fagan por iñorancia non llelo podemos consentir.

O pasado sábado máis de cen antifascistas recorremos as rúas de Ferrol pedindo a ilegalización destes grupos de fanáticos que non aceptan que a xente ten o dereito a vivir dunha forma diferente a que eles creen correcta. Tan só éramos cen, como e posible isto? pois porque pese a que non vexo o motivo os partidos maioritarios de esquerdas non acudiron en masa a manifestación. Así como tampouco o fixo a maioría da mocidade que día a día di pertencer a unha determina ideoloxía política pois moitos revolucionarios de boquilla son en realidade fascistas, de novos levan a insignia da anarquía ou a fouce pegada na mochila pero cando chegan a certa idade compórtanse como os burgueses que son. Teñen eles a culpa? penso que non, a culpa e da sociedade que así os educa e que esta a converten por exemplo ao Che en tan só unha marca comercia.

Destas máis de cen persoas había novos e vellos, homes ou mulleres, pobres e ricos, galegos e nos galegos. Pero o que máis me chamou a atención foi a variedade de ideoloxías políticas: marxistas, anarquistas e mesmo algún que outro votante de centro. Pois a manifestación pese o que digan non era de xente radical, tan só eramos uns cidadáns indignados pedindo xustiza.

En todo momento fomos seguidos por un coche patrulla pero en ningún momento houbo actos violentos pois son eles, os fascistas, os verdadeiros terroristas. Pese os esforzos da extrema dereita de facernos quedar de vándalos que non respectan as normas sociais e uns marxinados, non poderán cambiala realidade.

Hoxe veremos actos organizados cun único obxectivo, amedrentarnos, pero non o han conseguir, pois aínda que os creemos capaces de calquera cousa para impoñer a súa vontade, sabemos que o lume que alampea xamais será vencido por moi forte ca sopren, por moito chumbo que nos boten nin nos renderemos nin soltarémola fouce.

Carlo e Carlos

Carlo Lluliani morreu a mans da policía italina cando se estaba a manifestar en contra da globalización. Carlos foi asasinado por un militar profesional que non estaba de servizo pero que levaba no peto un coitelo de caza.

Ámbalas dúas son historias tráxicas de xente que morreu soamente por pensar como dicía skap-k nunha canción. Nos dous casos a opinión pública deuse conta do que estaba a pasar, pero tal vez demasiado tarde.

No caso de Carlos estanse a facer moitas manifestacións e protestas aclamando xustiza, hoxe mesmo acudín a folga convocado polo Comité
Folga que por certo queridos colegas do comité non se convocou como debera ser, pero polo menos non nos quedamos de brazos cruzados.

No artigo anterior firmaron varias persoas entre elas polo que vexo alguén que di ser de certo partido, dicirlles os membros de dito partido sempre desde o respecto que considero que non recoñecer o que son é algo que os fai mais indesexables do que xa eran dun principio. Son números os grupos neozanis e racistas que se presentan as eleccións en todo o mundo, e unha realidade. Pero neste pais inda por riba tentan facernos crer que eles non son violentos, que nos somos os irrespectuosos e intolerables.

Non comprendo como esta xente pode ter semellantes ideas na cabeza, que pasa que si o que lle pegas e diferente a ti xa non estás a facer algo violento senón política social? Que crean o que queiran pero a moitos de nos non nos van facer cambiar de opinión cando pensamos que o seu sitio esta no cárcere por ter cometido e seguir a cometer tantas agresións.

POR QUE NO TE CALLAS?

Sen dúbida esta foi a frase do dia, vina repetida como tres veces nun só xornal. E a verdade e que non seria unha mala contestacion para un borracho que esta a discutir con outro nunha taberna pero estes dous señores supostamente adicanse a diplomacia.


QUEN TIÑA RAZON?

Referirse a Aznar como fascista é pasarse? non sei, non me arriesgaria a denunciar a un expresidente electo de fascista se fora diplomatico, aínda así Hitler tamén foi nun momento votado pelo pobo e non deixaba de ser fascista, tal vez o maior da historia. Tamén é certo que o partido do expresidente tiña e ten entre os seus altos cargos(vexase fraga) persoas que tiveron un papel relevante na dictadura fascista do franquismo e polo tanto son e serán lobos fascistas que nun momento dado se disfrazaron de ovellas demócratas.

Ainda así vexo inadecuado esa afirmación no trascurso dunha reunion diplomática pero o que vexo peor é a resposta do rei. NON SO FOI INCORTES CON CHAVEZ TUTEANDO, senon que interrumpiu a Zapatero que a diferencia del si e un cargo electo.

É UN TIRANO CHAVEZ?

Non o sei, pero dende logo que non e normal a situación actual do país. Aquel que somete o pobo e o intimida é un tirano logo...


É UN TIRANO DON JUAN CARLOS?
Non, dende logo que grazas a Deus non ten un poder real, actualmente a figura do rey e soamente diplomatica, e visto o que pasou hoxe reafirmome en pensar que a monarquia non é sinon a cousa mais inutil que heredamos da Idade Media. Pese a que o rey non é un tirano si o foron os seus antergos pois entre outras cousas os borbos foron quens impuxeron na península un goberno totalirio.

Que pensa a xente?

Os galegos creo que nos rimos un pouco coa lea esta, pero o que me sorprende e que os españois estan orgullosos(¡ESTAN TOLOS ESTES ESPAÑOIS!) como nunca da figura do rey, enfin ala eles. Cada día estou máis seguro de que a única via de futuro para o noso pais sen estado e a independencia deste xugo castelán, ogalla poidan ver cumprido este soño os nosos netos.

Visita guiada a REGANOSA

Hoxe tiven a oportunidade de participar na primeira visita organizada de grupos estudantiles o complexo de regasificación de reganosa.


Saímos do instituto con destino a sonada planta e cando chegamos o recinto tivemos que pasar un control de seguridade. No complexo uns catro gardas armados co que asemellaban revolvers déronos o alto e pediron que nos identificáramos.
Unha vez que chegamos a penetrar dentro pasamos co bus por diante de depósitos de combustibles e produtos químicos varios ata que chegamos o noso destino a sala de prensa. Dentro espera as visitas unha periodista encargada de informar os estudantes a cerca da "realidade da planta".

Cun soporte tecnolóxico ensínannos gráficas acerca da demanda de gas natural, una enerxía que según din pese a non ser renovable vai ser o futuro unha vez rematadas as reservas de petróleo(como se o gas natural non tiveran unhas reservas finitas). O pouco empezan a concretar o caso de Reganosa, como funciona en que consiste e unha vez que nos ensinan a teoría lévannos a ver o complexo dende lonxe, xa que por razóns de seguridade non se nos permite pasar dunha raia.

Vendo o complexo resolven as nosas preguntas:

P-"¿Que pasa se hai unha fuga?"
R-"¿Que tipo de fuga?"

P-"¿Afecta o proceso de vaporización no cal se emprega o calor da auga do mar para quentar o gas a temperatura desta ultima?"

R-"Non sei agora mesmo os datos pero creo que non afecta a temperatura e se o fai é minimamente xa que hai moita mais auga que gas"

Esta periodista, que ten a carreira e todo, despois de responder as nosas dúbidas en perfecto castelán pois non usou en ningún momento o galego volta a levarnos a sala de prensa onde nos amosa outros datos, unha foto dunha planta de gas en Xapón e un video no cal se nos ensina o seguinte:
-O gas licuado non é inflamable.
-O gas licuado evaporase de forma ecolóxica.
-O gas licuado non é tosico.
Este vídeo educativo no cal se experimenta co gas licuado esta subtitulado e non se nos pon co son.
Non atopei o video en cuestion pero este é similar:

Tamén é interésante dicir que os alumnos do IES Sofía Casanova mostraron a súa preocupación polo futuro da ría, sempre sendo educados pois a visita foi interesante aínda que non vexo ben que se nos teña tratado de confundir as nosas mentes con tanta estatística e datos que non din nada.

Por certo que van a patrocinar un concurso no meu instituto para ver quen fai mellor o traballo sobre a planta, creo que xa sei quen non vai a gañar, un saúdo e ollo coa periodista de Reganosa morder non morde pero trata de confundir os que non pensan coma eles (o fin e o cavo é o seu traballo).


A RIA É NOSA, E NON DE REGANOSA