Ante o asasinato de Ousmane Kote en Roquetas (Almería)

As asociacións de inmigrantes de Senegal, Mauritania, Gana, Guinea Bisau, Guinea Conakry e o SOC-SAT de Almería, ante os lamentables sucesos ocorridos este fin de semana no barrio das 200 vivendas de Roquetas do Mar manifestámonos nos seguintes termos:

1/ Condeamos enerxicamente o asasinato de Ousmane Kote e esiximos ás autoridades o completo esclarecemento dos feitos e a imposición das consecuencias penais que correspondan ao responsable do homicidio.

2/ Denunciamos calquera intento por parte das autoridades ou medios de comunicación de relacionalo sen probas algunhas á vítima do crime con cuestións de droga. Esta actitude non fai máis que evitar responsabilidades e desviar a atención sobre a verdadeira causa dos feitos, ademais de criminalizar inxustamente a todo un colectivo.

3/ Condenamos tamén enerxicamente os altercados producidos posteriormente ao crime. Máis aló do lexitimo sentimento de impotencia dos agredidos, afirmamos que deben prevalecer sempre os mecanismos legais que eviten a impunidade dos responsables e favorezan as medidas sociais que impidan a repetición destes no futuro.

4/ Denunciamos e esiximos a conseguinte depuración de responsabilidades respecto de demóraa en máis de hora e media da chegada de efectivos policiais e servizos médicos ao lugar dos feitos. Unha maior celeridade destes efectivos seguramente evitase os actos producidos e ata a morte do traballador senegalés

5/ Expresamos con firmeza que a verdadeira causa desta lamentable situación non é outra senón o abandono e desinterés por parte das autoridades deste barrio marxinalizado con graves problemas de seguridade e inserción social, cultural e laboral dos seus habitantes

6/ Denunciamos unha vez máis o acoso habitual ao que se atopa sometido o colectivo inmigrante tanto por parte de axentes policiais como de particulares, sen que se obtivo unha resposta adecuada ata a data. Non aceptamos que se xeneralice ningún prexuízo negativo contra este colectivo de traballadores inmigrantes que alimente máis o rexeitamento social xa existente.

Por todo o exposto esiximos:

1/ O esclarecemento das as responsabilidades legais, tanto do homicidio como da actuación neglixente das administracións policiais e sanitarias.

2/ A liberación inmediata dos traballadores senegaleses detidos e o esclarecemento dos lamentábeis invidentes producidos con garantías efectivas para as persoas implicadas

3/ A urxente constitución dunha mesa de inmigración e marxinación en Roquetas de mar que analice as circunstancias de exclusión existente no barrio das 200 vivendas e outras zonas do municipio, afín de promover as medidas necesarias para unha verdadeira integración social, cultural e laboral dos colectivos marxinalizados así como de seguridade efectiva para todos os colectivos.

En Roquetas de Mar, a 8 de setembro do 2008
http://www.sindicatoandaluz.org

(Traducido)