Felicidades Kosovo, e moita sorte.

Creo que é a primeira vez que coincido plenamente con Bush en algo, os kosovares son agora independentes. Diga o que diga España, diga o que diga Rusia, por moito que lles amole aos radicais Serbios, Kosovo xa é un estado soberano.

O proceso de independización dunha nación asoballada é algo que debería alegrarnos a tódolos galegos pois o caso kosovar vai presentar un precedente xurídico cara unha futura independización de Euskadi, Cataluña ou Galiza.

Detrás do proceso de independenza morreron miles de kosovares, algúns asasinados outros loitando. Coido que hoxe os esqueletos de todos eles sorrían ilusionados, pois a partir de agora e coas grandes axudas europeas tal poidan ser ao fin un lugar feliz e tranquilo.

Non é de estrañar a negativa do goberno do PSOE ao non acceder a recoñecer a este novo estado, pois no fondo saben que o noso caso é moi similar ao dos Balcáns. No fondo, o estado español ten un comportamento moi similar ao serbio. Poida que non nos maten en grandes xenocidios pero reprímennos con guante branco, ilegalizando partidos, torturando a presos, expulsando da universidade a futuros intelectuais, creando asignaturas que inculcan dogmas políticos...

Unha vez máis revélanse datos da estratexia do PSOE cara as eleccións, se hai uns días coñecíamos a intención de Zp de crear tensión para conseguir o voto útil(despois dunha entrevista con Gabilondo falou quedoulles un micrófono aceso), hoxe “el mundo” rebelaba o seguinte:

“Según fuentes kosovares, Moratinos ofreció un trato en diciembre a una delegación de Pristina para que España reconociera antes de lo previsto –aunque sin fecha concreta- la independencia, a cambio de que la declaración fuera después de las elecciones españolas del 9 de marzo. Pero, con el apoyo de EEUU y de tres grandes países de la UE, los albano-kosovares decidieron que no les hacía falta seguir esperando.”

Por que ofreceu o trato? pois moi simple, porque para gobernar sen o PP necesitan o apoio dos nacionalistas(BNG, PNV, ERC, CiU) aos cales non lles vai facer graza que non se recoñeza soberanía de Kosovo. Poida que perdan algún destes valiosos aliados, poida que os subornen a cambio dunha porcallada de subvención pero faga o que faga o PSOE non pode recoñecer a Kosovo inmediatamente pois de facer pon en perigo “LA INTEGRIDAD DE ESPAÑA”. Non vos preocupedes que ha acadar por afirmala(ao fin e a cabo e un pais que quere estar no G8, pero que actualmente case non ten peso político internacional iso si é moi narcisista), iso si pasadas as eleccións e cando se fale menos do tema para que os independentistas non nos sintamos con forza para tratar de fuxir do estado centralizador ao que chaman España.

¿¿¿Algunha manifestación a favor da independenza de Kósovo??? Avisade, se sabedes dalgo.