Sementar sementarei...

Na madrugada deste sábado uns activistas Galegos visitaron o Campo de Golf de Monte Alegre, en Ourense. Non levaban bolas para xogar, e tampouco paus de golf. Namentres si ían equipados con sachos e todo o material necesario para facer unha horta. Despois de arrincar a terra e facer as ringleiras, decantaronse plantaron verzas. Logo marcharon deixando a eira ben plantada pero sen demasiadas esperanzas de futuro(xa que os campos de golf empregar unha gorda capa de area como sistema de drenaxe e para frear o nacemento de especies nativas cuxas sementes están sempre presentes na fértil e negra terra galega)

Este acto de acción directa non é máis que un unha forma de mostra o rexeitamento que moitos sentimos pola formula de turismo que se esta a impoñer no noso territorio. Expropian pagando catro chicos polo metro cadrado para despois construír macrourbanizacións e campos de golf. Estas, non soamente minan o noso patrimonio ecolóxico, senón que as máis das veces son iniciativas especulativas sen saída no mercado. Tal é o caso da macrourbanización de Miño, propiedade de Martinsa-Fadesa e actualmente parada, na que por certo atentaron os membros de Resistencia Galega.

A acción directa é un método de chamar a atención, máis non de solventar o problema. A sociedade galega(e sobre todo aos políticos que se digan galeguistas) correspóndelles o papel tomar conciencia e loitar pola defensa da integridade do noso territorio. Os campos de golf, as macrourbanizacións, reganosa, os campos eólicos, as grandes piscipatorías, as centrais hidroeléctricas, as térmicas, as colosais plantacións de eucalípto … son soamente sinos da actual colonización que sofre a nos aterra. Terra que non podemos defender como pobo xa que non temos o suficiente autogoberno necesario.

Por moito que nos esforcemos, é imposible coidar un territorio se non se ten poder efectivo sobre el.