Cos resultados na man:

Podería dicir que ZP vai facer uns magníficos catro anos de mandato e que traerá felicidade ao mundo, a paz mundial e todas esas promesas máis ou menos cribles..

Para moitos que se din de esquerdas a vitoria do POSE e un paso adiante para acadar unha mellor sociedade na cal as diferenzas entre ricos e pobres sexan mellores, pobres crédulos.
O PSOE actual nada ten que ver co partido que unha vez fundou o ferrolán Pablo Iglesias. Este partido foi pouco a pouco camiñando cara o cento, pero sen cambiar o seu nome. O gran numero de escanos acadados vaille permitir gobernar con tan só o apoio dun partido nacionalista, a poder ser aliaranse cun de dereitas(probabelmente CiU).


Farán unha política de centro-liberal, que é o que desexan os seus militantes das clases altas, e en canto autodeterminación das nacións ibéricas(como é o noso caso), dubido que consigamos algo nestes catro anos.


Coido que o este “tsunami bipartidista” ameaza con crear un sistema similar alternancia de dous partidos dinásticos no século XIX, partidos que pese a que os seus nomes eran moi diferentes, pero que a hora da verdade viñan sendo o mesmo.

Maila todo, o BNG obtivo uns bos resultados, alégrome de ter optado por eles. Poida que non teñamos de momento moitos deputados galegos en Madrid pero polo de pronto haberá alguén que fale por nós.