DOUS DEBATES:

Mira que son malos en xeral os políticos. Os seus discursos aburridos e as súas argumentacións absurdas. O peor de todo é que moita xente failles caso mesmo cando o fan tan mal coma estes dous señores neses dous debates.

Por un lado Rajoy botou pestes contra a lei de normalización, dixo que non nos van deixar elixir o noso destino como pobo, tratou de enganar a xente con gráficas que eran doadas de malinterpretar, dixo que estaba a favor da guerra de Irak... Cor outro lado Zapatero falou moitas veces coma se fora un presidente de esquerdas(pena que logo a hora da verdade non o sexa), entroulle ao trapo a Rajoy, falou da marabillosa lei de Dependencia(que ata o momento é todo fume), interrompeu ao outro candidato...

Coido que polo malos que son os españois non os deberían votar, existindo partidos con maior contido e propostas de tipo social como é o caso de IU. Pero como son galego, que máis me da? de todas xa non os ía votar.

O que me pareceu verdadeiramente ofensivo foi a única vez que Rajoy se referiu a Galiza e o fixo para falar dos problemas que os nacionalistas causamos aos castelanfalantes, pero que máis da. Pese a mencionar o terrorismo ningún falou do terrorismo fascistas(que non últimos anos segou case tantas vidas coma o terrorismo etarra), tampouco falaron dos informes sobre a tortura neste estado feitos por organismos internacionais, nin do canon dixital, nin falaron amplamente do cambio climático nin trataron o plan Boloña(que ambos defenden).

En resume, dende Fofo e Miliqui facía tempo que non se vía a dous señores discutir por temas que non lle importan a nada(o tema da 1º pregunta e demais) sabendo que un dos dous(apostaría que Zapatero) vai se o que nos mal goberne durante catro anos.

Collendo prestada a frase que colleu prestada Zapatero:

Boa noite(longa e de pedra), e boa sorte(pois fainos falla para saír adiante como pobo)

PD: a caricatura é dun republicano español, pero collina para ilustrar o tema.