Hoxe, nove de marzo é o Día Internacional da Loita Feminista, pero como tamén é xornada de reflexión moitas manifestacións de caracter feminista foron desautorizadas polo goberno.
Un só día ao ano non serve para nada. O machismo non se combate na rúa, senón mediante a educación. Tan só educando aos nenos na igualdade entre sexos será posíbel acadar unha sociedade non machista. Reflexionando sobre o asunto e sen meterme en política, que non sexa social, dicir que pese aos posibles enfados que esta afirmación provoque: estou en contra dalgunhas argumentacións feministas.
Creo que os nenos, deben ser educados por homes e mulleres, creo en que se debe de pagar igual a un traballador que a unha traballadora, penso que as mulleres son tan intelixentes como os homes, igual de válidas para tódolos traballos e que é necesario acadar unha sociedade na cal no se discrimine polo sexo.
Namentres non comparto outras afirmacións. Móstrome contrario a lei de paridade pois as mulleres son igual de válidas que os homes, elas non necesitan que as metan nas listas electorais por cupo xa que elas mesmas son capaces de facerse un oco no mundo político, laboral e en tódolos campos que desexen. Débese obrigar aos empresarios a ser xustos cos contratos, pero a chamada “discriminación positiva” tan só serve para destinas cartos a empresa privada e unha autentica paletada.
Tampouco penso que os homes sexamos inferiores a elas, nos non somos uns bichos e descerebrados. Vale, e certo que algúns homes son moi brutos, pero tamén existen mulleres moi bestas. Nin os homes son superiores as mulleres, nin as mulleres o son aos homes.
En canto a afirmación(utópica, dalgúns sectores do feminismo) de establecer un matriarcado, coido que non só é imposíbel senón tamén é un sistema inxusto; debemos buscar unha sociedade igualitaria, toda discriminación e sempre prexudicial.
E por último falar dos nomes, opóñome a nova linguaxe con tantos femininos, en palabras que xamais se usaron. Pois a linguaxe non é machista, en tal caso machistas serán os que o usan.
Elas paren, logo é lóxico que elas decidan.
Postagens
Um comentário:
Os dereitos, desexos e intereses das mulleres quedaron, unha vez máis e de forma impune, en terceira fila.. As mulleres unha vez máis invisibilizadas.. Da mesma maneira que ocurre día tras día e que ocurrío nos grandes debates entre os nosos líderes políticos.. onde o tema central foi o terrorismo de ETA, condenable ata o final, pero sen máis relevancia política que o terrorismo machista que causou a morte a 94 mulleres o ano pasado, que se segue a tratar a nivel de "sucesos" cando tamén éste está sustentado nunha ideoloxía : o patriarcado machista. Os nosos patriarcas adican horas a falar do terrorismo de ETA, días de luto, mentras que o terrorismo machista que acaba coa vida de 4 mulleres nun mesmo día case non trascende da páxina de sucesos..
Postar um comentário